Zjarri në Lushnjë/ Dyshohet se 40 persona kanë mbetur të bllokuar – Mbi 20 veta dërgohen në spital

17:21 | 25 Dhjetor 2023
E.H

Vijon të jetë e rënduar situata në Lushnje të Shqipërisë ku një qendër tregtare u përfshi nga flakët këtë të hënë.

Në katet e sipërme të saj ndodhen edhe apartamente banimi, çka ka bërë që disa banorë të mbeten të bllokuar.

Ndërsa nuk dihet ende numri i saktë i atyre që kanë mbetur brenda.

Një pjesë e tyre kanë dalë, ndërsa në vendin e ngjarjes kanë mbërritur edhe forcat RENEA, kurse shumë banorë kanë thyer xhamat e apartamenteve të tyre për të marrë ajër, raporton tvklan.al

Ministri i Brendshëm, Taulant Balla ka kërkuar një helikopter që të ndërhyjë nga lart për shuarjen e zjarrit.

Mbi 20 persona që janë dërguar në spital dhe tashmë ndodhen në gjendje të stabilizuar në urgjencë.

Ndërkaq abcnews.al raporton se dyshohet se janë rreth 40 persona të cilët kanë mbetur të bllokuar në apartamentet e tyre.

Në vendin e ngjarjes kanë mbërritur ministri i Brendshëm, Taulant Ballam kryebashkiakja e Lushnjes, Eriselda Sefa si dhe deputeti i Partisë Socialiste, Erion Braçe.

Shpërndaje në rrjete sociale

Lajmet më të lexuara

Të ngjashme

Foto lajm